Transcription

Monseignyeur, hier deux heures devant jour l’alarme monta jusques à Voyron

que ceste ville estoyt assyegé et terre couverte de jentz de guerre

javoys grand regret de veoyr beaulcoup dhommes que je neusse jamays

pensé sen aller au grand pas, bagaige et tout, que feust cause avec

le debvoyr que jeay au service du roy et au vostre, je me mys

en chemin avec ung petit nombre de mes amys et vint me

rendre dans ceste ville où je trouvey le peuple fort effrayé

poiur avoyr esté delaisé de tous les grandz. Touttesfoys, ilz

feurent incontinent rasseurés, comme ilz sont.

[barré : incontinent ap]

Apprès,

[barré : suivan]

arriverent aussi en ceste ville les seigneurs de

Saint Jehan, de la Cardonyère, de Champlong, et aultres, qui venoyent

de Romans, lesquels proveurent de La Balme au port de Rochebrune

qui avoyt esté abandonné, lequel La Balme estoyt venu

avec moy et croys quil fera bon service, nous faisons pour asseurer

ceste ville. Le cappitaine Tremolet, qui estoyt aussi venu

avec moy en ceste ville avec ung nombre de bons hommes,

[barré : les]

lesquelz asseureront ceste ville jusques à ce quil vous plerra y provoyr.

Je men retourne attendre voz commandementz ausquelz je ne me recomenderey

jamays que très humble, de mesme volunté que je prye Dyeu,

monseignyeur, vous avoyr en sa garde. De St Marcelin, ce IXe mars

1574

Votre très humble et très hobeissant serviteur

Expilly

Texte diplomatique

[1] Monseignyeur, hier deux heures devant jour l’alarme monta jusques à Voyron [2] que ceste ville estoyt assyegé et terre couverte de jentz de guerre [3] javoys grand regret de veoyr beaulcoup dhommes que je neusse jamays [4] pensé sen aller au grand pas, bagaige et tout, que feust cause avec [5] le debvoyr que jeay au service du roy et au vostre, je me mys [6] en chemin avec ung petit nombre de mes amys et vint me [7] rendre dans ceste ville où je trouvey le peuple fort effrayé [8] poiur avoyr esté delaisé de tous les grandz. Touttesfoys, ilz [9] feurent incontinent rasseurés, comme ilz sont.

[barré : incontinent ap]

[10] Apprès,

[barré : suivan]

arriverent aussi en ceste ville les seigneurs de [11] Saint Jehan, de la Cardonyère, de Champlong, et aultres, qui venoyent [12] de Romans, lesquels proveurent de La Balme au port de Rochebrune [13] qui avoyt esté abandonné, lequel La Balme estoyt venu [14] avec moy et croys quil fera bon service, nous faisons pour asseurer [15] ceste ville. Le cappitaine Tremolet, qui estoyt aussi venu [16] avec moy en ceste ville avec ung nombre de bons hommes,

[barré : les]

[17] lesquelz asseureront ceste ville jusques à ce quil vous plerra y provoyr. [18] Je men retourne attendre voz commandementz ausquelz je ne me recomenderey [19] jamays que très humble, de mesme volunté que je prye Dyeu, [20] monseignyeur, vous avoyr en sa garde. De St Marcelin, ce IXe mars [21] 1574 [22] Votre très humble et très hobeissant serviteur [23] Expilly

Lettre:	1619
Texte:
Ligne:
logged as :	Login First

Consultation

Transcription

Texte

MetaDonnées

Laisser un signalement sur le texte